У Віцебскім абласным краязнаўчым музеі адкрылася інтэрактыўная прастора «Пра фота: гісторыя фатаграфіі XIX — пачатку XX стагоддзя». Гэта выставачная зала і фотаатэлье. Тут наведвальнікі могуць стаць героямі вінтажнай фотасесіі або прымераць на сябе ролю фатографа. Новая экспазіцыя расказвае пра даўнія традыцыі фотамастацтва, знаёміць з работамі віцебскіх фатографаў-аматараў і прафесіяналаў.
