У Дзень Перамогі старшыня Віцебскага аблвыканкама Аляксандр Субоцін павіншаваў ветэрана Вялікай Айчыннай вайны Мікалая Ігнатавіча Жарыкава з 97-годдзем. Кіраўнік вобласці выказаў словы ўдзячнасці прадстаўніку пакалення пераможцаў, уручыў кветкі і пажадаў моцнага здароўя. Мікалай Жарыкаў – ураджэнец Лёзненскага раёна. У 17-ць гадоў пайшоў у армію, служыў на Далёкім Усходзе. Падчас баявых дзеянняў быў паранены. У пасляваенны час працаваў эпідэміёлагам. Усё жыццё займаўся спортам.
