Выпускны вечар – адна з самых запамінальных падзей у жыцці. Ва ўсе часы маладыя людзі чакалі яго з хваляваннем. Будавалі смелыя планы і марылі. Да шчаслівага дарослага жыцця рыхтаваліся і выпускнікі 1941-га года. І нават не падазравалі, што ў гэты вечар мінаюць апошнія імгненні мірнага жыцця. Адной з выпускніц дзясятай школы ў ракавым 41-ым была і Ірына Навумаўна. Свой развітальны вечар нават праз 80 гадоў яна памятае ў дэталях.
