Новыя мемарыяльныя пліты ўстанавілі на абеліску загінуўшым воінам у вёсцы Асінаўка Віцебскага раёна. На іх увекавечаны імёны 159-ці салдат і афіцэраў. На ўрачыстым мітынгу «Памяць пакаленняў» з нагоды абнаўлення мемарыялу сабраліся прадстаўнікі абласной і мясцовай улады, грамадскіх арганізацый, мясцовыя жыхары і школьнікі. Яны ўсклалі кветкі да абеліска і ўшанавалі памяць герояў хвілінай маўчання.
