На працягу двух тыдняў юныя ратаўнікі разам са сваімі дарослымі калегамі дапамагалі пенсіянерам, людзям з інваліднасцю і ветэранам Вялікай Айчыннай вайны. Збіралі ураджай, падграбалі лісце і перакопвалі агарод. Сёлета ў рамках правядзення акцыі моладзь наведала больш за сто дамоў па ўсёй Віцебскай вобласці. Акрамя таго, арганізавалі флэшмобы, канцэрты і конкурсы.
