Яркі старт дажыначнага марафону. Раённае свята працаўнікоў вёскі прайшло ў аграгарадку Альгова Віцебскага раёна. Ва ўрачыстай абстаноўцы ўшанавалі лепшых хлебаробаў – герояў жніва. Сталіца раённых дажынак на цэлы дзень ператварылася ў адну вялікую святочную пляцоўку: выстава тэхнікі, конкурсы і спаборніцтвы. Для мясцовым жыхароў і гасцей падрыхтавалі інтэрактыўныя гульні і стравы нацыянальнай кухні.
Мы в Телеграм
Автор: anastasia
У Шаркаўшчыне завяршаецца падрыхтоўка да абласнога свята «Дажынкі-2023» (22.09.2023)
У Шаркаўшчыне завяршаецца падрыхтоўка да абласнога свята працаўнікоў вёскі «Дажынкі -2023». Абнавілі больш за дзясятак аб’ектаў сацыяльнай сферы, правялі бягучы і капітальны рамонт жылых дамоў, прывялі ў парадак дарогі, тратуары і масты. Гатоўнасць гарадскога пасёлка да фестывалю-кірмашу абмеркавалі на пасяджэнні абласнога штаба.
Мы в Телеграм
Віцебск сёння святкуе рэспубліканскі Дзень машынабудаўніка (22.09.2023)
Віцебск сёння святкуе рэспубліканскі Дзень машынабудаўніка. У прамысловую сталіцу Беларусі горад на Дзвіне ператварыўся на 3 дні. За гэты час яго наведаюць прадстаўнікі больш чым 200 прадпрыемстваў з усіх рэгіёнаў краіны. Свята ў абласным цэнтры пачалося з самай раніцы. На плошчы Свабоды адкрылі выставу тэхнікі прадпрыемстваў, якія ўваходзяць у склад Міністэрства прамысловасці.
У Адзіны дзень бяспекі віцебскія ратаўнікі правялі вучэнні (21.09.2023)
Надзвычайнае здарэнне ў гандлёвым цэнтры. У адным з найбуйнейшых гандлёвых аб’ектаў Віцебска адбыўся пажар. Абедзенная зала рэстарана, а таксама першы і другі паверхі гандлёвай галерэі запоўніў дым. Пажар інтэнсіўны, агонь перабраўся на дах. Унутры будынка – каля 500 чалавек. Іх жыцці – пад пагрозай. Такой была легенда маштабных тактыка-спецыяльных вучэнняў МНС.
Новае траўматолага-артапедычнае аддзяленне ў Віцебскай абласной клінічнай бальніцы (20.09.2023).
Высокакваліфікаваная медыцынская дапамога стала больш даступнай. Другое траўматолага-артапедычнае аддзяленне і дзве абноўленыя аперацыйныя з сучасным абсталяваннем адкрылі ў Віцебскай абласной клінічнай бальніцы. Мадэрнізацыя дазволіць спецыялістам павялічыць колькасць аперацый, а пацыентам – скараціць чаканне высокатэхналагічнай дапамогі.
Пад Віцебскам прайшоў XXI адкрыты чэмпіянат Рэспублікі Беларусь па верталётным спорце (19.09.2023)
Вышэйшы пілатаж міжнароднага узроўню. XXI адкрыты чэмпіянат Рэспублікі Беларусь па верталётным спорце прайшоў на тэрыторыі Віцебскага аэраклуба імя Героя Савецкага Саюза Аляксандра Гараўца. У спаборніцтвах прынялі ўдзел экіпажы з Мінска і абласнога цэнтра. Лётчыкі аспрэчвалі лідарства ў такіх дысцыплінах, як развозка грузаў, практыкаванне на дакладнасць і слалам.
У Дзень народнага адзінства ў Віцебскай вобласці нарадзіліся сем немаўлят (18.09.2023)
Сямейнае свята. У Дзень народнага адзінства ў Віцебскай вобласці нарадзіліся сем немаўлят: пяць дзяўчынак і два хлопчыкі. Маладых маці з двайным святам павіншавалі намеснік старшыні Віцебскага аблвыканкама Вячаслаў Дурноў і начальнік галоўнага ўпраўлення па ахове здароўя Віцебскага аблвыканкама Міхаіл Вішнявецкі. У Віцебскім абласным раддоме ў Дзень народнага адзінства нарадзіліся дзве дзяўчынкі.
У аграгарадку Заронава Віцебскага раёна перапахавалі астанкі байцоў Чырвонай Арміі (15.09.2023)
Даніна памяці. У аграгарадку Заронава Віцебскага раёна перапахавалі астанкі васьмі байцоў Чырвонай Арміі, якія загінулі ў гады Вялікай Айчыннай вайны. Пошукавыя работы разам вялі беларускія і расійскія пошукавікі і кадэты. У гэты ж дзень на грамадзянскім пахаванні ў Заронаве ўвекавечылі памяць ахвяр генацыду.
У Віцебску адкрылі пасля рамонту філіял №5 Віцебскай гарадской цэнтральнай паліклінікі (14.09.2023)
У Віцебску ўрачыста адкрылі пасля рамонту філіял №5 Віцебскай гарадской цэнтральнай паліклінікі. Ён размясціўся ў будынку на вуліцы Камуністычнай. Да гэтага часу 5-я паліклініка тулілася ў старым будынку на вуліцы Гагарына і часткова на праспекце Люднікава. Адкрыццё ўстановы аховы здароўя прымеркавалі да Дня народнага адзінства.
Вынікі збораў з ваеннаабавязанымі падвялі падчас вучэнняў у Полацкім раёне (13.09.2023)
Ахова і абарона аб’ектаў, барацьба з дыверсійна-разведвальнымі групамі. Вынікі збораў з ваеннаабавязанымі тэрытарыяльных войск і атрада народнага апалчэння падвялі падчас камандна-штабнога вучэння ў Полацкім раёне. Удзел у ім прыняў старшыня Віцебскага аблвыканкама Аляксандр Субоцін. Мерапрыемства пачалося з ускладання кветак да Вечнага агню ў Полацку.