Яркія паядынкі, непаўторныя эмоцыі і барацьба да апошняй секунды. На сцэне Летняга амфітэатра ў Віцебску прайшлі фінальныя паядынкі па тайландскім боксе ў рамках II Гульняў краін СНД. У фінальны дзень спартыўнага форуму атлеты разыгралі 14 камплектаў узнагарод.
Свята нацыянальнага маштабу. Праз некалькі тыдняў Гарадок стане літаратурнай сталіцай краіны. У першыя выхадныя верасня тут пройдзе юбілейны 30-ты Дзень беларускага пісьменства. Зараз у райцэнтры актыўна вядуцца падрыхтоўчыя работы. Прыводзяць у парадак дарогі, упрыгожваюць паркі і вуліцы. Новае аблічча набываюць сацыяльныя, культурныя і спартыўныя аб’екты.
Рэха вайны. «Вахта памяці» у 5-ы раз аб’яднала гісторыкаў, археолагаў, краязнаўцаў і валанцёраў. На гэты раз у Віцебскім раёне знайшлі астанкі байцоў Чырвонай Арміі, якія загінулі тут у гады Вялікай Айчыннай вайны. Сярод знаходак таксама фрагменты абмундзіравання, асабістыя рэчы салдат і боепрыпасы.
Моцны характар – яркая гульня. У рамках II Гульняў краін СНД у Віцебску стартаваў турнір па тайландскім боксе. На рынг у Летнім амфітэатры выйдуць больш за 70 спартсменаў з 6-ці краін свету. Яны разыграюць 14 камплектаў узнагарод у мужчынскім і жаночым турнірах. Градус барацьбы падагрэюць тысячы балельшчыкаў, якія наведаюць Летні амфітэатр.
Беларуская партыя «Белая Русь». У падмурак партыйнага будаўніцтва закладзена чарговая цаглінка. 25 раённых аддзяленняў Віцебскай вобласці афіцыйна зарэгістраваныя. Урачыстая цырымонія ўручэння пасведчанняў прайшла ў Віцебску. У ёй прынялі ўдзел памочнік Прэзідэнта – інспектар па Віцебскай вобласці Ігар Брыло, а таксама намеснік старшыні Віцебскага аблвыканкама Вячаслаў Дурноў. Мерапрыемства аб’яднала каля сотні актывістаў «Белай Русі» – старшыняў і членаў абласнога і раённых аддзяленняў партыі.
Напружаныя і захапляльныя паядынкі. У Оршы набіраюць абароты спаборніцтвы па боксе ў рамках другіх гульняў краін СНД. Лядовая арэна сабрала найлепшых прадстаўнікоў з дзесяці краін свету. Усяго за медалі змагаюцца больш за 130 баксёраў – прадстаўнікі жаночай і мужчынскай моладзі ва ўзросце да 18-ці гадоў.
Першы ў Беларусі рэсурсны цэнтр па ваенна-патрыятычным выхаванні моладзі пачаў працаваць у Віцебскай вобласці. Каардынацыю яго дзейнасці ажыццяўляе Віцебскі абласны інстытут развіцця адукацыі. На яго пляцоўках мясцовыя педагогі будуць дзяліцца лепшымі напрацоўкамі, праводзіць семінары-практыкумы, круглыя сталы і канферэнцыі на тэму ваенна-патрыятычнага выхавання. Плануецца правядзенне патрыятычных фестываляў і конкурсаў.
Унікальныя артэфакты XII стагоддзя знойдзены ва Ушацкім раёне. Двухтыднёвая экспедыцыя Інстытута гісторыі Нацыянальнай акадэміі навук Беларусі завяршылася напярэдадні. Спецыялісты працавалі на месцы былой загараднай рэзідэнцыі Полацкіх князёў. Яе даследуюць трэці год.
Свята на хлебнай нiве. У Вiцебскай вобласцi з’явiўся першы камбайнер-тысячнiк. Iм стау Васiль Косаў – машынiст-трактарыст гаспадаркi «Шайцерава» Верхнядзвiнскага раёна. З першай падчас сёлетняга жнiва перамогай героя-хлебароба павiншаваў старшыня Вiцебскага аблвыканкама Александр Субоцiн.
На II Гульні краін СНД у Віцебск першай прыбыла каманда з Туркменістана. Прадстаўнікі муай-тай вырашылі выйграць некалькі дзён для адаптацыі і трэніровак. Спаборніцтвы ў Летнім амфітэатры стартуюць 9-га жніўня.
