У Віцебску прайшоў абласны форум вучняў педагагічных класаў. Яго удзельнікамі сталі больш за 250 школьнікаў з усіх раёнаў вобласці. Старшакласнікі пабывалі ў Віцебскім дзяржаўным універсітэце імя Машэрава. Тут для школьнікаў арганізавалі квэсты, інтэрактыўныя пляцоўкі, майстар-класы.
Рубрика: общество
«Лясная акадэмія» ў дзіцячым садку №35 Віцебска (відэа)
Дашкольнае лясніцтва «Лясная акадэмія» адкрылася на базе дзіцячага сада №35 Віцебска. Юным лесаводам пашылі форму. Яны выглядаюць як сапраўдныя дарослыя супрацоўнікі лясніцтваў. Падчас заняткаў дзеці будуць вывучаць правілы паводзін у лесе, знаёміцца з навакольным асяроддзем. Усё для таго, каб сфарміраваць у дашкольнікаў экалагічную культуру і прывіць любоў да прыроды.
Гандлёвыя цэнтры Віцебска запрашаюць на дыспансэрызацыю (відэа)
Прайсці першасную дыспансэрызацыю цяпер можна ў гандлёвых цэнтрах Віцебска. Спецыяльныя пункты размясціліся ў бізнес-цэнтры па вуліцы Леніна і ў гандлёвым цэнтры па праспекце Будаўнікоў. На першым этапе пацыентам прапануюць адказаць на пытанні пра самаадчуванне, род заняткаў і лад жыцця. Урач памерае рост і вагу, артэрыяльны ціск, сатурацыю, разлічыць індэкс масы цела і зробіць электракардыяграму. Уся інфармацыя адразу паступіць ў базу дадзеных паліклінік.
Віцебская вобласць далучаецца да «Тыдня лесу» (відэа)
У Віцебскай вобласці акцыя «Тыдзень лесу» пройдзе з 15-га па 22-га красавіка. Мяркуецца, што за гэты час будзе пасаджана каля 3-х мільёнаў дрэў. У гадавальніках рыхтуюць саджанцы, а ў лясгасах чакаюць валанцёраў.
Нашы карэспандэнты высветлілі ўсе падрабязнасці.
У Віцебску ўзмоцняць кантроль за безбілетнікамі (відэа)
У Віцебску ўзмоцняць кантроль за аплатай праезду ў грамадскім транспарце. Да канца месяца колькасць кантралёраў плануюць павялічыць удвая: з 9 да 19. Працаваць ва ўзмоцненым рэжыме яны будуць нават у начны час. Узрасце ўвага да ўсіх відаў транспарту, у тым ліку маршрутных таксі.
У Віцебску гэтай вясной пасадзяць некалькі тысяч дрэў (відэа)
Тры тысячы дрэў і тысячу кустоў пасадзяць гэтай вясной у Віцебску. Першая партыя вербаў, туй, ліп, клёнаў, елак і соснаў з’явіцца на вуліцах, у парках і скверах горада ўжо на гэтым тыдні. На новае месца жыхарства з гадавальніка прадпрыемства «Віцебскі Зелянбуд» пераедуць і штамбавыя дрэвы, якія добра зарэкамендавалі сябе ў мінулым сезоне.
Лепшая сельская школа вобласці знаходзіцца ў Дубровенскім раёне (відэа)
Лепшая сельская школа Віцебскай вобласці знаходзіцца ў аграгарадку Асінторф Дубровенскага раёна. Установа была адзначана за выдатныя паказчыкі па павышэнні якасці адукацыі і грамадзянска-патрыятычнае выхаванне.
Чым напоўнены будні асінторфскіх школьнікаў, ведае Марыя Дзекан.
Надзея Багаценка з Віцебска заваявала Гран-пры Міжнароднага конкурсу пекараў (відэа)
Кандытар з Віцебска Надзея Багаценка заваявала Гран-пры ІV Міжнароднага конкурсу пекараў, кандытараў і кухараў. Узнагародай адзначана фігура з масцікі. Салодкая скульптура важыць каля 20 кілаграмаў.
Юрый Дзеркач правёў маніторынг (відэа)
Старшыня Віцебскага абласнога аб’яднання прафсаюзаў, член Савета Рэспублікі Нацыянальнага сходу Рэспублікі Беларусь Юрый Дзеркач правёў маніторынг стабілізацыйных фондаў. Гародніна ад айчынных вытворцаў: наяўнасць у сховішчах і на паліцах гандлёвых сетак, якасць і розніца ў коштах.
Які водгук атрымала Пасланне Аляксандра Лукашэнкі ў Віцебску? (відэа)
Захаванне суверэнітэту і незалежнасці Беларусі — галоўная тэма Паслання Прэзідэнта да беларускага народу і Нацыянальнага сходу. Сярод запрошаных у Палацы Рэспублікі больш як 240 чалавек — дэлегаты ад Віцебскай вобласці. Уважліва слухалі Пасланне ў працоўных калектывах прадпрыемстваў і арганізацый рэгіёна. Сваімі ўражаннямі і думкамі наконт пачутага падзяліліся студэнты і выкладчыкі Віцебскай дзяржаўнай акадэміі ветэрынарнай медыцыны і супрацоўнікі прадпрыемства энергетыкі.