Новыя магчымасці для навучання і рэабілітацыі. Мабільны рэсурсны пакой для дзяцей з інваліднасцю і асаблівасцямі псіхафізічнага развіцця з’явіўся ў Віцебскай вобласці. Ён створаны на базе абласнога цэнтра карэкцыйна-развіваючага навучання і рэабілітацыі. ЮНІСЕФ у Беларусі сумесна з партнёрамі падарылі ўстанове абсталяванне коштам 50 тысяч беларускіх рублёў. Камунікатары, лупы, трэнажоры, вертыкалізатары і гульнявыя наборы. Новае абсталяванне будуць накіроўваць у розныя раёны вобласці, згодна з канкрэтнымі патрэбамі месцічаў.